FC Bayern ka arritur marrëveshje me Chelsean për transferimin e futbollistit Nicolas Jackson.

Ai u transferua në formë huazimi për sezonin 2025/26, shkruan Arbresh.info.

Sulmuesi senegalez do të mbajë fanellën me numrin 11.

Jackson filloi karrierën në skuadrat e të rinjve të Casa Sports në Senegal para se t’i bashkohej Villarrealit në Spanjë në vitin 2019.

Pas një huazimi te Mirandés, ai u rikthye për sezonin 2021/22 dhe debutoi në La Liga në tetor 2021.

Me 13 gola në 48 paraqitje për skuadrën e parë, ai u transferua te Chelsea në verën e vitit 2023, duke shënuar më pas 30 gola në 81 ndeshje.

Përveç fitimit të Club World Cup këtë verë, Jackson gjithashtu ngriti trofeun e UEFA Conference League sezonin e kaluar. Ai ka 19 paraqitje për skuadrën kombëtare të Senegalit.